चिसोमा चायाँ परेर हैरान हुनुहुन्छ?, यस्ता छन् चायाँ हटाउने उपाए ।

चिसो मौसममा कपालको विशेष रेखदेख गर्न अत्यावश्यक हुन्छ । चिसो मौसममा कपाल रुखो हुन सक्छन् भने चायाँको समस्या पनि बढ्न सक्छ । यस्तो समस्याले कपाललाई जरैदेखि कमजोर बनाउन सक्छ र कम उमेरमा नै मानिसहरुको कपाल झर्न सुरु हुन्छ । आउनुहोस्, चिसो मौसममा कपाललाई स्वस्थ र चम्किलो बनाइराख्न के गर्न सकिन्छ, त्यसबारे जानकारी लिऔं ।

तेलको मसाजः हप्तामा एकपटक नरिवल वा बदामको मनतातो तेलले कपालको जराको मसाज गर्नुहोस् । यसले टाउकोमा रक्त सञ्चार राम्रो हुन्छ । साथै कपालको रुखोपन हट्छ र चिसो मौसममा पनि कपाल स्वस्थ रहनेछ ।

हेयर ट्रिमिङःचिसो मौसममा कपालको ट्रिमिङ गर्नु पनि राम्रो विकल्प हो । चिसोको हावाले कपाललाई रुखो बनाउँछ जसका कारण कपाल टुट्टे, झर्ने र हाँगा फाट्ने गर्छ । ट्रिमिङ गर्दा तपाईंले यस्ता समस्याको सामना गर्नु पर्दैन ।

दिनदिनै टाउको ननुहाउनुहोस्ः चिसो मौसममा दिनदिनै टाउको नुहाउनबाट जोगिनुहोस् । हरेक दिन नुहाउँदा टाउकोमा भएको प्राकृति तेल सुक्छ र यसले तपाईंको कपाललाई अस्वस्थ र रुखो बनाउँछ । हप्तामा दुईपटक नुहाउनु राम्रो मानिन्छ ।

टाउकोलाई छोप्नुहोस्ः चिसो मौसममा कपाललाई जति सक्दो लुकाएर राख्नुहोस्, नभए कपाल रुखो हुनसक्छन् । कपाललाई जुरो बनाउनुहोस् वा बाट्नुहोस् र स्कार्फले ढपक्क ढाक्नुहोस् । यद्यपि, दिउँसो भने कपाल र पूरा शरीरलाई घाम पर्ने गरी बाहिर बस्नुहोस् ।

Leave a Reply

Your email address will not be published. Required fields are marked *